ТЕГ-аас “Херо энтертаймент”-ад нэгжлэг хийжээ

ТЕГ-аас өчигдөр /2026.01.15/ “Херо энтертаймент”-ад нэгжлэг хийсэн гэх мэдээлэл байна.

Ерөнхий сайд асан Л.Оюун-Эрдэнийн эрх мэдэл, албан тушаалын нөлөөг ашиглан “15 давхар”-ынхан бусдын өмчийг зүй бусаар дээрэмдэж авсан, нэр төрд нь халдаж, гүтгэлэг тараах замаар бусдыг сүрдүүлж мөнгө авсан байж болзошгүй үйлдлүүд илэрсэн байна.

“15 давхар”-ын гол зохицуулагч гэх УИХ-ын гишүүн Н.Алтанхуягийн зөвлөх асан Л.Ууганбаяр, жиргээнд “bruno" нэрээр бичдэг байсан иргэн Л.Гантулгыг хуулийнхан мөрдөж эхэлсэн байна. Тэд мөрдөн шалгалтын явцад гадаад руу оргон зайлжээ. Хуулийнхан тэднийг аль улсад орогнож буйг олж тогтоосон байна.

Л.Оюун-Эрдэнийг гүйцэтгэх засаглалын тэргүүнээр ажилласан дөрвөн жил "Гэрэгэ 15"-ын пиарчид бие биедээ байр, орон сууц бэлэглэж, гадаад дотоодоор зугаалж, авто машиныг төрөл загвар бүрээр нь сольж унадаг болтлоо үндэслэлгүй хөлжсөн гэх асуудлыг хуулийнхан ийнхүү шалгаж эхэлсэн бололтой. Тэдний тансаглалын эх үүсвэр “Монгол хан” төсөл нэрээр халхавчилсан нүүрсний хулгайн хөрөнгө байж магадгүй гэж үзэж байгаа аж. Хууль зүй, дотоод хэргий сайд Б.Энхбаяр ч "Монгол хан" төсөлтэй холбоотой олон ноцтой баримт дэлгэсэн билээ. Тэрчлэн Нийслэлийн Засаг дарга Х.Нямбаатар Засгийн газрын даалгавраар Английн “Фүлхэм” багтай 4.6 тэрбумын гэрээ байгуулж, 100 хувь санхүүжүүлснээ хүлээн зөвшөөрсөн юм.

Б.БАТ