Хөлбөмбөгийн ДАШТ-д оролцох багийн тоог 64 хүргэх тухай яригдаж байна

Энэ удаагийн хөлбөмбөгийн ДАШТ нь 48 баг оролцож байгаагаараа онцлогтой. Өмнө нь 32 баг оролцдог байсан. Тэгвэл Дэлхийн хөлбөмбөгийн холбоо ФИФА багийн тоог цаашид ч нэмэх бодлого барьж байна хэмээн холбооны тэргүүн Жанни Инфантино хэлжээ.

Түүний хэлснээр ДАШТ-д оролцох багийн тоог 64 болгох тухай өнгөрсөн жилээс яригдаж эхэлжээ. Энэ нь тэмцээнийг бүх дэлхийд хүртээлтэй болгох зорилгоос үүдэлтэй хэмээн Жанни Инфантино хэлжээ.

“Энэ удаагийн ДАШТ дууссаны дараа бид энэ асуудлыг хэлэлцэх болно. ДАШТ-ийг зохион байгуулагчдын хувьд тэмцээнийг дэлхий нийтэд хүртээлтэй байлгах нь чухал. ДАШТ бол зөвхөн Европ, эсвэл Өмнөд Америкийн багуудад хамаатай биш. Дэлхийн бүх улс орон ДАШТ-нд оролцоно хэмээн мөрөөдөж чаддаг байх ёстой. Энэ удаагийн тэмцээнд оролцож байгаа багуудын ур чадвар ямар өндөр байгааг бид харж байна. Жижиг орнуудад ч ДАШТ-д оролцох боломж өгвөл тэд ур чадвараа улам төгс болгох хүсэл тэмүүлэлтэй болно” хэмээн Жанни Инфантино Швейцарийн Blue Sport-д өгсөн ярилцлагадаа хэлжээ.

48 баг анх удаа оролцсон энэ удаагийн ДАШТ “маш амжилттай” байгааг ФИФА-гийн тэргүүн онцолж, Африкийн 10 багийн 9 нь хэсгээсээ гарсан нь үүний нотолгоо хэмээн тэрбээр хэлжээ. 2022 оны ДАШТ-д Африкийн 5 баг хэсгээсээ шалгарч байсан юм.