KHARKHORUM 360° фестиваль 8-р сарын 22-23-нд Төв цэнгэлдэх хүрээлэнд болно
Дэлхийн хамгийн сүүлийн үеийн цоо шинэ урлаг болох VISUAL ART буюу 5 мэдрэхүйн урлагийн хөгжлийг гайхуулах дөрөв дэх KHARKHORUM 360° visual art & music festival 2026 оны 8-р сарын 22-23-нд Төв цэнгэлдэх хүрээлэнд болох нь ээ. Өмнөхөөсөө илүү том орон зай, илүү олон үзэгч, илүү өргөн хүрээтэй хөтөлбөртэйгөөр зохион байгуулагдах энэ удаагийн хөгжмийн үдэшлэгийн сэдэв нь TIME буюу Хүннүгийн үеэс хойшхи 5 том үйл явдлыг дижитал урлагийн гайхамшгаар харуулах аж.
Энэ жилийн гол бүтээл ердийн тайзанд багтахгүй. Тиймээс Төв цэнгэлдэх хүрээлэнг сонгосон бөгөөд төв тайзыг бүтэн тойрон үргэлжлэх 12 метр өндөр, 300 метр урт 360 градусын дэлгэц байрлуулах юм. Уран бүтээлч бүрийн онцлогт тохируулсан дижитал бүтээлүүд уг дэлгэцээр тасралтгүй үргэлжилж, үзэгчид тоглолтыг зөвхөн сонсох бус, дотор нь орсон мэт мэдрэх боломжтой юм байна.
Дуугаралтын хувьд Cinematic Orchestral-ийг ашигласнаар хөгжмийн цуурай, орон зайн гүн, бүтээл бүрийн сэтгэл хөдлөлийг илүү тод мэдрүүлэхээр төлөвлөсөн байна. Ингэснээр амьд тоглолт, асар том дижитал арт, орон зайн дуугаралт гурав нэгэн зэрэг нийлэх аж.
Тус фестивальд дэлхийд алдартай Ирландын алдарт Boyzone хамтлагийн ахлагч, дуучин Ронан Китинг, Берлинд уран бүтээлээ туурвидаг, Melodic Techno болон Progressive House урсгалын нэр хүндтэй DJ, продюсер 8Kays нар болон Монголын томоохон хамтлаг дуучид оролцох юм байна.
Дашрамд онцлоход, эртний Хархорум хотод олон соёл, олон орны хүмүүс нэг дор уулзаж, үзэл санаа, соёл урлагийн солилцоо явагдаж, шинэ санаа бодол, бүтээл төрдөг байж. KHARKHORUM хөгжмийн фестиваль нь тэрхүү уулзах, холбох, бүтээх үзэл санааг орчин цагт дахин амилуулахыг зорьж буй төсөл юм.
Тасалбараа хаанаас авах вэ?
Үзэгчдийн худалдан авсан тасалбарын орлогоос нийт 10,000 мод тарих бөгөөд жил бүр уламжлал болгон үргэлжлүүлж, ирээдүйд KHARKHORUM төгөл бий болгох зорилготой.
Фестивалийн тасалбарыг дараах платформуудаас авах боломжтой:
Дэлгэрэнгүй мэдээлэл авах бол https://www.facebook.com/Kharkhorum.festival пэйж тусална.
https://www.facebook.com/reel/904387448800410
Mono.mn
Мэдээний нийтлэгч
Сэтгэгдэл бичих
Хүндэтгэлтэй, соёлтой хэлж бичихийг хүсье. Сэтгэгдлийг нийтлэлийг уншигчид шууд харна.
Сэтгэгдлүүд (0)
Одоогоор сэтгэгдэл байхгүй байна. Та хамгийн түрүүнд сэтгэгдэл үлдээнэ үү.
