Америкчуудын 64% нь Украинд зэвсэг нийлүүлэхийг дэмжиж байна

 Рейганы хүрээлэнгийн судалгаа: Америкчуудын 64% нь Украинд зэвсэг нийлүүлэхийг дэмжиж байна

Рейганы хүрээлэнгийн шинэ судалгаагаар АНУ-ын иргэдийн 64% нь Украинд зэвсэг нийлүүлэхийг дэмжиж байна. Энэ нь АНУ-ын цэргийн тусламжийн талаарх олон нийтийн дэмжлэг мэдэгдэхүйц өссөнийг харуулж байна. Энэхүү өсөлт нь өнгөрсөн жилтэй харьцуулахад 9 пунктээр өссөн үзүүлэлт агаад батлан хамгаалах салбарын зардалд хоёр намын дэмжлэг өргөжиж буйг харуулж байна.

Бүгд найрамдахчуудын 59% нь Украинд зэвсэг нийлүүлэхийг дэмжиж байгаа бол Ардчилсан намын 75% нь дэмжлэг үзүүлэх нь зөв гэж үзжээ. Шинжээчид, үүнийг дэлхийн аюулгүй байдал, Оросын түрэмгийлэл, АНУ-ын стратегийн ашиг сонирхлын талаарх санаа зовнил сонгогчдын дунд илүү хүчтэй өрнөж байгаагийн илрэл гэж дүгнэжээ.

Судалгаагаар америкчуудын 62% нь Украиныг Оросын эсрэг дайнд ялаасай гэж хүсч байгаа аж. Тиймээс Киевийн батлан ​​​​хамгаалахыг дэмжихэд АНУ-ын оролцоог үргэлжлүүлэх ёстой гэж олон нийт үзсэн байна. Вашингтонд Украинд урт хугацааны тусламж үзүүлэх багцын талаарх мэтгэлцээн эрчимжиж байгаа нь олон нийтэд нөлөөлсөн байх талтай.

Рейганы хүрээлэнгийн тэмдэглэснээр залуу сонгогчид, нам бусчууд хамгийн ихээр дэмжиж байгаа аж.

Хууль тогтоогчид нэмэлт санхүүжилт болон зэр зэвсгийн зардлыг хэлэлцэж байгаа үед энэхүү судалгаанд Конгрессын улс төрийн шийдвэр гаргахад нөлөөлж болзошгүй байна.

Олон нийтийн санаа бодол АНУ-ын гадаад бодлогыг тодорхойлоход гол үүрэг гүйцэтгэсээр ирсэн. Хоёр намын олонх нь Украинтай холбоотой тусламжийг дэмжиж буй. Хамгийн сүүлийн үеийн санал асуулгаар тэд Киевийг тогтвортой дэмжих нь америкийн сонгогчдын тогтвортой байр суурьтай нийцнэ гэж шинжээчид дүгнэжээ.

Ш.ОЮУНБАТ