“C5” тауэрт “Морьтон”-гийнхон Х.Баттулга, Л.Оюун-Эрдэнэ нартай уулзжээ

Ардчилсан намын дотоод сонгуульд Ардын намын жийгдэгсэд ялсан гэх дуулиантай зэрэгцээд өчигдөр “C5” тауэрт нэгэн нууцлаг уулзалт болжээ. Тус тауэрт Ерөнхий сайд асан Л.Оюун-Эрдэнэ амьдардаг бололтой. Тус уулзалтад Ардчилсан намын талаас МоАХ фракц буюу Х.Баттулга, “Морьтон”-гийн Ц.Баатархүү, мөн “Нэг Монгол”-оос Э.Одбаяр, нэг хоёр эмэгтэй гишүүн байлцсан гэх албан бус мэдээлэл байна.

Тэд намын дотоод сонгуульдаа МАН-ын царцаа нарыг олноор нь зөөж, зарим нь “Хорооноос дуудсан учраас АН-ын сонгуульд оролцсон” гэдгээ ч нуугаагүй.

Ардын намын царцаа нараар дүүрсэн намын анхан, дунд шатныхан ҮБХ-ны гишүүдээ тодруулна. Нийтдээ 500 гаруй хүн ҮБХ-ны гишүүнээр сонгогдох ёстой.

Тиймээс “С5” тауэрт Л.Оюун-Эрдэнэ, Х.Баттулга нарын хүмүүс уулзаж, АН-ын ҮБХ-г өөрийн хүмүүсээр бүрдүүлэх, улмаар Н.Учралыг УИХ-ын даргаас буулгах ажлыг О.Цогтгэрэлийн гараар хийлгэж, ирэх намраас Э.Одбаяр, Ц.Баатархүү, О.Алтангэрэл нарын аль нэгийг намын даргаар томилуулахад дэмжлэг үзүүлэх асуудлыг ярилцжээ.

Мөн улс төрийн акц санхүүжилтийг нь Л.Оюун-Эрдэнэ, Х.Баттулга нар даахаар болжээ.

Өмнө нь, Ерөнхий сайдаас огцрох үедээ Л.Оюун-Эрдэнэ чуулганы хуралдаан дээр өөрийн амаараа  “УИХ-ын сонгуульд хэнийг жагсаалтад бичихийг Д.Амарбаясгалан, Л.Гантөмөр, Т.Доржханд бид дөрөв Үндсэн хуулийн өөрчлөлтийг баталсан орой ярилцсан” гэх мэдээллийг өгсөн. Үнэндээ Ардчилсан намын нэр дэвшүүлэлтийг Х.Баттулга, Л.Оюун-Эрдэнэ, Д.Амарбаясгалан нар шийдсэн гэх яриа ч байдаг. Эндээс харвал үнэний ортой бололтой. Ямар ч байсан Л.Оюун-Эрдэнийн Засгийн газар бол Х.Баттулгын Засгийн газар гэдэг нь худлаа хардлага биш болох нь нотлогдсон билээ.

Б.БАТ