Э.Бат-Үүл: Тэд ногоон малгайтнуудын үр төл-өтгөн шингэн бохирууд нь юм!

Э.Бат-Үүл нүүр номоороо дамжуулан Путиныг дэмжигчдийг хатуухан шүүмжилжээ.  АНУ-ын зүгээс Венесуэльд цэргийн ажиллагаа явуулж, Мадурог эхнэрийн хамт баривчилсан нь дэлхий нийтэд шуугиан тариад буй. Үүнтэй холбоотойгоор Монголын олон нийтийн сүлжээнд талцал эрчимжиж байгаа. Хотын дарга асан Э.Бат-Үүл ч хувь аккуантаараа дамжуулан үзэл бодлоо илэрхийлсэн. Харин түүний байр суурьт хамгийн их реацилсан нь З.Энхболдын зөвлөх асан Ц.Буянцогтоо, УИХ-ын гишүүн Г.Уянга нар байв.

Э.Бат-Үүлийн зүгээс тэдэнд хандаж, “20 цагийн өмнө оруулсан фотопостыг 134517 хүн одоогоор үзснээс 463 нь намайг дэмжиж, 139 нь л Путинд урвагчдын “Тэргүүний урваач” тэмцээнд оролцогчид байна. ”Тэргүүний урваач” тэмцээнд одоогоор Буянсогтуу, Монголын симоньян гэгдэх Уянга нар тэргүүлж явна!

Чингисийн монголчууд минь, эднийг сайн хараад аваарай!

Эд бол, Монголын дөчин мянга гаруй гэм зэмгүй иргэдийг хөнөөсөн, Их хядлагыг удирдан зохион байгуулсан зөвлөлтийн коммунистууд, гардан гүйцэтгэсэн ногоон малгайтнуудын үр төл-өтгөн шингэн бохирууд нь юм. Улсыг минь үндэслэсэн их хаадыг маань “мангас” хэмээн элдвээр доромжлон, түүхийг минь гуйвуулан, шашин соёлыг маань шатаан дэвсэж, ардын мал өмч хөрөнгийг хураан ядууруулж, алтан ургийнхныг мөшгөн хөнөөж явсан алуурчин коммунистууд, ногоон малгайтануудын үр төл-өтгөн шингэнүүд юм. Эд бол, баян Монголыг минь картын бараанд ортол нь хоосруулсан коммунистуудын үр төл-өтгөн шингэнүүд юм!

Эд нар, ардчиллын буянаар монголчууд бид дэлхийд чөлөөтэй зорчдог болсонд атаархаж явдаг новшнууд. Эд нар ,ардчиллын буянаар Монгол Улс, олон улсын нислэг хийдэг үндэсний нисэх компанитай болсонд атаархдаг новшнууд. Соц үед монголчууд гадаад руу аэрфлотоос өөр онгоцоор нисэх боломжгүй, МИАТ орон нутгийн нислэгийн компани байсан юм. Харин одоо урвагчид олон улсын нислэгийг маань Оросын хяналтанд өгөхийг оролдож байгаа!

Эд нар, ардчиллын буянаар Монголын бүх сум 24 цагийн гэрэлтэй болж, бүх аймгийн төвүүд нийслэлтэйгээ засмал замаар холбогдсонд атаархдаг шаарнууд. Соц үеийн Москва зөвшөөрдөггүй байсан, тэгээд эрх чөлөөт монголчууд өөрсдөө ийм болгож чадсанд атаархдаг шаарнууд!

Эд нар, Сибирийн оросууд Улаанбаатарыг барууны Хонконгтой зүйрлэдэг болсонд атаархдаг өгөрүүд. Соц үед,орос дэлгүүрийн үүд царай алдан зогсдог байсан монголчууд,дэлхийн брэндүүдийг овоолсон чөлөөт зах зээлтэй болсонд уянга мэтийн урваачид хорсож явдаг юм!

Одоо,атаархалдаа шатсан тэдний юу хийж байгааг хар. Жинхэнэ ногоон малгайтан ёсоор; эх орончдыг гүжирдээд, гутаагаад, доромжлоод, хараал урсгаад, заналхийлээд. Тэд Путиндээ нүүр олох гээд Монголын сүр сүлдийг уралдан гутааж байна!” гэжээ.

Б.БАТ