Төслийг нь дэмжээгүй гишүүдээ Х.Нямбаатар намаасаа хөөхөөр шийдэв үү?!

Засгийн газрын өнөөдрийн хуралдаанаар Туулын хурдны замын төслийг хууль шүүхээр мухарлах хүртэл түр зогсоох шийдвэр гаргасан. Энэхүү шийдвэрийн араас хотын дарга Х.Нямбаатар нийслэлийн МАН-ын хорооны хурлыг маргааш хуралдуулахаар гэнэт зарласан нь хулгай, луйвраа үргэлжлүүлэх гэсэн сүүлчийн сум нь гэлтэй.

Тэрбээр Туулын хурдны замыг эсэргүүцэж байгаа нийслэлийн МАН-ын гишүүдийг хөөж, өөрийг нь үг дуугүй дагадаг утсан хүүхэлдэйнүүдээ намын хороондоо оруулахаар төлөвлөсөн бололтой.

Үнэндээ Л.Оюун-Эрдэнэ, Х.Нямбаатар нар наанаа дарангуйлал ярих болсон ч МАН-д тэдний дарангуйлал тогтсон. Өөрөөр хэлбэл, Х.Нямбаатар Туулын хурдны замыг нь дэмж, эсвэл намаасаа хөөнө гэсэн тулган шаардалт үзүүлэхээр шийдсэн аж. Туулын хурдны замын төсөл байгаль экологид болон эдийн засагт асар хортой болохыг хэлж, эсэргүүцэж буй хүн МАН дотор цөөнгүй бий. Тэднийг дарамтлаж, дарангуйллаа улам эрчимжүүлэхээр ийнхүү тэрбээр улаан, цагаандаа гарч байгаа бололтой.

Туулын хурдны замын төсөлд Х.Нямбаатар болон түүний орлогч дарга нартай холбоотой авлрига, албан тушаалын гэмт хэрэг байж болзошгүй баримтууд ил болсоор байгаа. Тиймээс энэ асуудлыг хууль шүүхээр эцэслэж, мухарлах ёстой юм.

Б.БАТ