Scandal: Т.Даваадалай төсвийн мөнгөөр ₮30 саяын үнэтэй дусал тариа хийлгэжээ

Нийслэлийн Засаг дарга асан Х.Нямбаатарын нэгдүгээр орлогч дарга асан Т.Даваадалай албан тушаалаа урвуулан ашиглаж, эхнэр Б.Анхтуяагийн үүсгэн байгуулсан “Авангард уран дизайн энд инженеринг” компаниар дамжуулан төсвийн 6.6 тэрбумыг авсан гэх асуудал АТГ-т шалгагдаж эхэлсэн. ЦЕГ-аас өгсөн мэдээллээр тэрбээр эхнэр болон эхнэрийнхээ үеэл дүү Н.Билгүүн, мөн эхнэрийнхаа найзын компаниар дамжуулан дээрх мөнгийн авсан болох нь тогтоогджээ.

Тэгвэл түүнтэй холбоотой бас нэг шинэ мэдээлэл ил болсон нь Т.Даваадалай нийслэлийн төсвийн мөнгө болох ₮30 саяар Японд очиж үнэтэй дусал тариа хийлгэсэн болохыг гэрчүүд мэдүүлжээ. Гэрчүүдийн мэдүүлгийг ч АТГ шалгаж, тогтоосон байна.

Хүйн үүдэл эсийн гэх Японд алдартай эмчилгээнд хамрагдаж, нэг бүр ₮10 саяын үнэтэй хүний үс ургалтыг дэмжих болон хөгшрөлтийг удаашруулах үйлчилгээтэй тариаг гурван удаа хийлгэжээ.

Нийслэлийн Засаг даргын орлогч нь найз нөхдөө дагуулан Японд очиж, асар үнэтэй үүдэл эсийн тариаг хийлгүүлж байхад эсрэгээрээ нийслэлчүүд эм тариагаа ч авч чадахгүй туйлдаж буй нь гашуун үнэн билээ.

Б.БАТ