Э.Бат-Үүл VS Б.Баабар

Нийслэлийн Засаг дарга Х.Нямбаатар шиг үрэлгэн, мөнгөлөг дарга Монголд алга. Тэрбээр Түнхэлээс алга болсон гэх “архи”-ны шуугианы ард нийслэлийн төсвийг 6.5 их наяд болгож тодотгохоор оруулж ирсэн. Сарын өмнө л 4.3 их наядын төсөв батлуулж байсан тэрбээр үрэх мөнгөнийхөө хэмжээг нэмэхийн хэрээр нийслэлийн өнгө гундсаар. Түүнд хандаж хотын дарга асан Э.Бат-Үүл нэгэн зөвлөгөө өгсний эсрэг нийтлэлч Б.Баабар Э.Бат-Үүлд зөвлөжээ.

Э.Бат-Үүл: Хотын дарга хэл амандаа эрэмгий. Хэрэг нь ч гардаг. Засгаас авсан олон ажлаа амжуулж байна. Одоо, шийдвэрлэгдээгүй хэдэн ажлыг шийдэх хэрэгтэй. Нэгд, Замын цагдааг хотын мэдэлд авч түгжрэлийг шийдэх.

Хоёрт, Улаанбаатарын дулаан хангамж болон эрчим хүчийг мэдэлдээ авах, гуравт, Богд уулын ойн  бүсээс бусад  барилгажсан болон барилгажих газрыг хотын мэдэлд авах. Эдгээр ажлыг хийчих,тэгвэл бүр мундаг шүү!

Б.Баабар:  Бүтэхгүй байх аа, Үүл ээ!  Уг нь чиний хэлээд байгааг гүйцээчихвэл сайн л байна. Гэхдээ дарга солигдох болгондоо ажлыг 1921 оноос шинээр эхлүүлдэг шүү дээ. Тэрнээс гадна МАН-ын өвөр хоорондын иргэний дайн ид оволзож байгаа болохоор урдахынхаа хийснийг дараагийнх нь устгаж байж санаа амарна