Их Британи: Сошиал медиагийн донтолттой тэмцэнэ
Их Британийн Ерөнхий сайд Кир Стармер технологийн компаниудын хэрэглэгчдийг, ялангуяа хүүхэд залуусыг дэлгэцэнд "хүлж" буй зарим онцлог функцуудыг хуулиар хориглох ёстой гэсэн хатуу байр суурийг илэрхийллээ. Тэрбээр энэ асуудалд өмнө нь байгаагүй хамгийн хүчтэй шүүмжлэлийг өрнүүлж, зарим функцыг "зөвшөөрч болохгүй" гэж мэдэгдсэн юм. Түүний үзэж байгаагаар сошиал медиа платформууд залуу үеийнхнийг өөртөө донтуулахын тулд сэтгэл зүйн арга заль хэрэглэж байгаа бөгөөд Засгийн газар үүнийг таслан зогсоохын тулд зайлшгүй арга хэмжээ авах шаардлагатай болжээ.
