С.Мөнхсүх ба талуудын мөнхийн эрх ашиг!
Монголын улс төрийн томилгоо, сандал суудлын сэлгээн дундаас хамгийн анхаарал татсан нэгэн томилгоо нь “Оюутолгой” компанийн гүйцэтгэх захирлаар С.Мөнхсүхийг томилсон явдал. Тэрбээр “Оюутолгой”-н гүйцэтгэх удирдлагаар ирж буй анхны монгол захирал аж. Энэ албан тушаалд томилогдохоосоо өмнө түүнийг “Рио Тинто”-гийн Ази, Номхон далайн бүсийн Өсөлт ба хөгжил хариуцсан захирлаар ажиллаж байсан гэж “Оюутолгой” компанийн албан ёсны вэб сайтад мэдээлжээ. Хэд хэдэн томоохон төслийг бүс нутагт амжилтад хөтөлсний нэг нь Австрали дахь Вину зэс алтны уурхайн төсөл аж.
